Tanga
-aPpLecHeRrY-
One shot lang. Kinailangan ko lang matangal 'to sa utak ko. Bigla bigla na lang kasi sumusulpot eh, nakakainis. Orig na nga pala 'to. Hindi edit lang tulad nung isa kong ginawa…
Bahala na kayo kung anong pairing tingin niyo dito, mukha kasing lahat pwede eh. ShikaIno dapat siya actually, kaso nung binasa ko ulit, sabi ko, bahala na! Lahat naman ata ng tao makakarelate dito eh. Dapat ata sa FictionPress ko 'to i-post. Kaso, ala akong account dun eh!
Standard disclaimer apply.Pagpasensyahan na rin poh ang format. Nakakainis kasi magformat nang matino eh!
Tip: If you can, listen to Stonefree's 'Sayang' while reading for better effects.
Andito ako, nagmumukmok
Ayaw lumabas ng kwarto
Ilang araw na rin ang nakalilipas
Mula nang pilitin nila akong ilabas sa kulungang ito
Walang wala na nga ako
Pero ayaw ko
Ang tanga ko
Dati, sa t'wing magkukwento ako tungkol sa kanya
'Hay naku' ang palagi mong sambit
Sinabi mo pa noon, wala akong mapapala sa kanya
Pero nakinig ba ako? Hindi
Marami pang nasayang dahil sa kanya
Kung sana nakinig lang ako sayo nang mas maaga
Ang tanga ko talaga
Kinalimutan ko siya't napalapit ako sayo
Gaano ba ako nabulag para di ka makita?
Pinilit kong punan ang mga pagkakamali ko
At sa maikling panahon
Ang mundo mo'y mundo ko na
Pilitin ko man, hindi na ako makawala
Katangahan ko talaga
Ngayong nagkaroon ako ng lakas ng loob para humarap sayo
Ngayon mo pa kinakailangang umalis
Aalis nang walang kasiguraduhang makababalik pa
Kung kaya ko lang isigaw ang sakit na nararamdaman ko
Upang marinig mo't baka magdalawang-isip kang magpatuloy
Pero hindi ko nagawa, hanggang bulong lang ako
Napakalaki kong tanga
Matalino ka, alam ng lahat iyon
Pero bakit pinabayaan mong mangyari lahat ng ito?
Bakit hindi mo ako hinintay na magtapat sayo?
Bakit hindi mo hinayaan suklian ko ang pagmamahal mo?
Alam mo naman ang lahat ng ito di ba?
Pero pinalampas mo lang
Tanga ka rin pala
Heto ako ngayon, pinagsisisihan ang lahat
Hindi na magiging tayo kahit kailan
Palagi kitang nakikita, malungkot akong pinagmamasdan
Sa t'wing aabutin kita, naglalaho ka
Sa t'wing yayakap ka, di man lang ako mahawakan
Ngayon tayo'y nangungulila
Sa sarili nating katangahan
Lahat sila'y pilit akong pinakawalan
Sa kulungang gawa nating dalawa
Ayokong umalis, wala akong pupuntahan
Kaya ko bang lisanin ang mundong minsan nati'y ginalawan?
Ano ba ang nangyari't nagkaganito lahat?
Di man ginusto, ito ang kinalabasan
Dahil sa isa't isa, kami'y naging...
...Tanga
Corny? Creepy? Magulo? Sappy? OA? Ano? Review ha!
Ewan ko ba kung ba't naisip ko ito bigla. Nagtatawanan pa nga kami ng kapatid ko nung pumasok 'to sa kokote ko eh! Ineenjoy ko lang ang buhay kasi tapos na yung exams tapos wala pa yung results. Pag dumating na kasi yun, baka mas madrama pa dito ang magawa ko.
Unexpected talaga 'to. Ambilis ko pa ginawa. Haaay... Review naman dian oh!
LuvLotS,
-aPpLecHeRrY-